tirsdag 18. desember 2012

Concorde landevegsykkel til sals

Lite brukt Concorde landevegsykkel til sals. Størrelse S, passar til ryttarar mellom 160 – 170. Komplett sykkel med shimano ultegra utstyr. Look carbon gaffel (betre og dyrare enn org. på sykkel). For spørsmål om detaljer og pris, ta kontakt med:
Nils Een, tlf. 56512517, mob. 95262061.

onsdag 21. november 2012

Søknad til klubben om midlar

Dei som har tenkt å satsa litt ekstra hardt på sykkel neste sesong kan søkja klubben om stønad til dekking av deltaking på ritt (aktive ritt som til dømes eliteklasse i terrengritt, norgescup på landeveg og i terrenget, NM og Nordisk veteran, osv.). Søknadsfrist er 31.12.2012. Styret vil handsama søknadar på fyrste styremøte i 2013.

mandag 19. november 2012

NM og UM i vintertriathlon 13.1.2013

Norges Triathlonforbund og Brandbu idrettsforening inviterer til NM og UM i vintertriathlon sundag 13. januar 2013 på Lygna Skisenter. Les innbydelsen.

torsdag 15. november 2012

No kan me smøra ski!

I dag har Steinar Røthe lært syklistar å smøra ski! Det vil seia, fyrst lærte han oss kor viktig, og til tider vanskeleg, det kan vera å få tak i gode ski. Deretter sa Steinar litt om festevoks og klister, og han demonstrerte kor lett dette eigentleg er å få fordelt utover skiene. Det er mogeleg at han fekk det til å sjå lettare ut enn kva det eigentleg er ...

mandag 5. november 2012

Smyrjekveld 15.11 kl. 18 med Steinar Røthe

Torsdag 15. november kl. 18 arrangerer Vossevangen CK klubbkveld. Steinar Røthe vil halda eit smyrjekurs i Voss kommune sine lokale i kantina på Brynavollen. Dette må vera midt i blinken no når skisesongen er like om hjørna! Det vert enkel servering.

søndag 21. oktober 2012

Terrengritt i Bømoen - vått, villt og vakkert!

Laurdag 20.10 arrangerte Vossevangen CK eit uformelt test-terrengritt i Bømoen. Ti hardhausar trødde det dei klarde, dei fleste i fire harde rundar. Bjarte Vethe stakk av med sigeren med Nikolai Hanevik hakk i hel. Dag Christensen var løypeansvarleg, Anton Hanevik tidakar og Egil Lidsheim og Odd Inge Jordalen løypevakter.

tirsdag 16. oktober 2012

Uformelt terrengritt laurdag 20.10 kl. 15 i Bømoen

På laurdag 20.10 kl. 15:00 arrangerer Vossevangen CK eit uformelt terrengritt i Bømoen. Start og mål på apellplassen (inne ved leiren). Me har ein klasse for dei som vil sykla 4 rundar hals øve hovud (les: hovud under armen) og ein for dei som vil sykla 3 rundar og koma heilskinna til mål. Estimert løpstid er 45-60 minutt. Dag og Anton organiserer start, målgang og tidtaking. Les meir om traseen her. Møt opp! Ta med ein ven!

onsdag 10. oktober 2012

Trening hjå Nr. 1 Fitness Voss

Fyrste fellestrening vert tysdag 16.10: styrke kl. 1730-1830 og spinning kl. 1830-20.

Vossevangen CK har avtala fylgjande med Voss sitt nye treningssenter Nr1 fitness. Prisar: 6 mnd kort til kr 399,- pr.mnd = kr.2394,- og 12 mnd kort til kr. 349,- pr.mnd = kr.4188,-. Då har me tilgang til "alle fasilitetar" og salaktivitetar. Me har ein fast spinningdag i veka med våre eigne innstruktørar kvar tysdag kl. 1830. Klubben dekker 350 kroner til alle våre medlemmer som vil delta på spinning!

Innformer og innviter gjerne vener om dette tilbudet. Dei må melda seg inn i klubben, og dei vil verta sett opp på medlemslista som me vil ha liggjande hjå Nr. 1 Fitness.

lørdag 22. september 2012

Klubbmeisterskap og årsfest 2012 i boks!

Fredag 21.9 vart Vossevangen sitt klubbmeisterskap 2012 avvikla i glitrande haustvær. Nikolai Hanevik vart ein suveren klubbmeister for herrer, medan Silje Rafaelsen vart kåra til vår fyrste kvinnelege klubbmeister (trass i visse forviklingar)! God deltaking og folk tok i det dei makta - veldig bra. På kvelden var det ein særs vellukka årsfest i ein fullstappa Atterås-heim med utdeling av viktige og mindre viktige prisar, og sjølvsagt feiring av årets klubbmeister. Trykk les meir for å få tilgang til detaljar, bilete og film!

torsdag 20. september 2012

LAGSMEISTERSKAP 21.09.2012

Start:Vaktbua Bømoen leir.
Målgang: Grimshallen, Kyte
Start kl. 1715: Damer og herrar mosjon og dei på terreng-sykkel.
Start kl. 1735: Damer og herrar elite.
...
Det er meldt vakkert vær, så ingen årsak til å uteverta.
Startar og sluttkjørar: Dag Christensen
Tidatakarar og måldommarar: Anton Hanevik og Steinar Røthe.

Vel møtt!

mandag 17. september 2012

Klubbmeisterskap og årsfest 21.9

Enorm spenning, like før start i 2011!
Årets viktigaste ritt nærmar seg: Vossevangen CK sitt klubbmeisterskap vert fredag 21.9, ca. kl. 17:14. Anton og Dag styrer sjåvvet, og har bestemt at traseen vert Bømoen-Tjukkabygde-Tøn-Nedre Kyte-Kyte. Etter rittet, ca. 19:32, vert det koldtbord frå Lenes Kjøkken hjå Residens Atterås, Rognshagen 26. Klubben sponsar delar av gildet, og du får ta med deg eventuelle partnerar. Noter datoen, smør kjedo, øv på slipsknuten og ha beina høgt! Det vert storvegs underhaldning når Bjarte syng Nystemt'n og Nikolai syng om Ingolf Kvamme. Mange gilde prisar skal òg delast ut, både offisielle og litt mindre offisielle!

Meld deg på til Frode på e-post: froatt@online.no eller tlf: 92407688 innan tysdag 18.9 kl. 20:00. Gildet koster berre 200,- per snute, og det set du inn på kontonr: 3480 11 59526.

søndag 9. september 2012

God sesongavslutting for VCK på Skarverittet

Vidar inn mot mål.
Skarverittet var årets sesongavslutting for Vossevangen CK sine ryttarar. Rittet hadde i år også fått tildelt Norgescupavslutting for terreng maratoncupen. Det vart eit vellukka punktum for både Vidar Mehl og Nikolai Hanevik som stilte i Norgescupen, og Bjarte Vethe og Silje Hjorth Rafaelsen i aldersbestemte klassar. Vidar Mehl, som syklar for Vossevangen CK/Toyota Fuji team vart med gårsdagens 9. plass nr. 5 samanlagt i Norgescup terreng maraton! Veldig sterkt. Les meir under og sjå resultat på våre resultatsider.

fredag 7. september 2012

onsdag 5. september 2012

Treningane framover

Sesongen 2012 nærmar seg slutten og det vert difor ikkje organiserte fellestreningar ute meir, men me held på treningstidene på tysdag og torsdag så kan ein møta opp og trena dei som vil.

Spinning og styrketrening hjå Nr. 1 Fitness startar opp i oktober, og me kjem til å satsa på same tidspunkt som sist vinter: tysdagar kl. 18:30-20 (styrketrening i forkant kl. 17:30-18:30). Meir info kjem snart.

lørdag 25. august 2012

Vossevangen med sterke tider i Birken

Vossevangen CK hadde rekordmange med i Birken i år, og personlege rekordar kom i fleng. Dei raskaste var Bjarte Vethe som kom under den berømte 3-trimarsgrensa og Nikolai som kom inn på 3 blank. I tillegg vann Tor Halvor Bjørnstad Ultrabirken!

 

onsdag 22. august 2012

VCK med ny deltakarrekord i Birken!

Aldri har så mange frå Vossevangen CK sykla Birkebeinarrittet! Med 8 stk. på fredagsbirken, 10 stk på laurdag og Vidar i eliteklassen vert me 19 pax! Slik kan de fylgja dykkar ryttarar på sms.
Lukke til, både de som syklar fredagsbirken og de som syklar laurdagen.

søndag 19. august 2012

Nikolai og Bjarte med i toppen på Rett Vest 2012

Det nye terrengrittet Rett Vest 2012 gjekk av stabelen i dag, med to karar frå Vossevangen CK i aksjon. Både Nikolai Hanevik og Bjarte Vethe sette farge på rittet framme i fronten. Trykk les meir for å få med deg Nikolai sin fyldige rittrapport.

VCK dominerte "Den grøne sløyfa"

På laurdag vart landevegsrittet Den grøne sløyfa arrangert frå Evanger til Eidsland. Vossevangen CK "tapeteserte topp fem" med Nikolai Hanevik som vinnar, Frode Atterås nr. 4 og Sindre Roe nr. 5, samt at Odd Inge Jordalen sprengde feltet på veg inn mot Nesheimsfjellet. Trykk på les meir for å få med deg Nikolai sin rittrapport.

lørdag 11. august 2012

Klosterrittet: Bjarte nr. 3., Nikolai 6. og Rune 14.!

I dag vart Klosterrittet avvikla i strålande solskin på Totland/Bontveit utanfor Bergen. Dei fleste av Bergen sine beste terrengsyklistar var med, og totalt var det omlag 150 deltakarar. Vossevangen CK hadde tre mann med som alle viste sterk form. Høg fart frå start, men bursdagsbarnet Rune måtte nedpå i fyrste sving. Han kom seg oppatt til tetgruppa i ein motbakke og kunne då konstatera at det var dei to lagkameratane Bjarte og Nikolai som låg fremst og jazza opp farten.

torsdag 9. august 2012

Nikolai nr. 2 i Continentalcup MTB Hordaland

Nikolai Hanevik, Vossevangen CK, vart i går nr. 2 i Continentalcupen. Dette rittet var nr. fire av årets fem ritt, og gjekk føre seg i Åsane ved Kyrkjekrinsen skule.

Nikolai rapporterer: "Var ei teknisk rundløype som skulle køyrast 10 gonger. Vinnar vart tidligare landevegsryttar ...

søndag 5. august 2012

Eivind Flatlandsmo ein ekte Norseman

Eivind Flatlandsmo frå Vossevangen CK si triatlongruppe fullførde i dag Norseman Xtreme Triathlon på imponerande 15.13.34. Norseman er ein ekstrem triathlon med 3,8 km symjing i hardangerfjorden, 180 km sykling frå Eidfjord til Geilo og så ein full maraton til Gaustadtoppen!

Carsten i støtteapparatet leverer fylgjande kvikke kort-kommentar: "Eivind svømte passelig fort, hadde personlig motvind på sykkelen og sprang som ein kenyanar." Uansett, eit imponerande prestasjon å fullføra slik ekstremsport.
Carsten påpeiker at Eivind er spesielt opptatt av å lage bobler når er ute og sym.

Tre Vossevangarar i aksjon på laurdag

Laurdag 4. august sykla Bjarte Vethe Grenserittet, Dag Tore Roe sykla Vassfarrittet og Kjell Olav Tryti sykla Postvegrittet.

mandag 30. juli 2012

Vidar Mehl nr. 7 i NM terreng maraton!

Vidar Mehl, Vossevangen CK/Toyota Fuji Team, vart i helga nr. 7 i NM terreng maraton som vart arrangert i samband med turrittet Å i Heiane i Birkenes. Her var heile noregseliten samla i ei svært krevjande løype som virkeleg skilde mellom ryttarane. Les meir på Vidar sin blogg. Sjå resultat på våre resultatsider.

søndag 29. juli 2012

Hardingrittet - 28.07.2012

Medan Alexander Kristoff tok OL-bronse på sin Canyon, stilte fleire Vossevangarar til start i Hardingrittet i dag. Rittet går frå Utne, inn langs vestsida på Sørfjorden til Odda, og attende på auststida til Lofthus. Vossevangen CK sin eigen Nils Asbjørn Lie har sendt fylgjande rapport frå rittet:

lørdag 21. juli 2012

Vidar Mehl vann Valdresrittet!

Vidar Mehl, Vossevangen CK/Toyota Fuji Team, vann i dag Valdresrittet. Fine værforhold, rekorddeltaking og eit stort og sterkt elitefelt med fire mann frå Vossevangen CK stod på dagens agenda. I tillegg sykla Dag Christensen og Ida Christensen i trimklassen. Bjarte Vethe er ikkje kvitt kyssesjuka og måtte diverre stå over. Vidar vann spurten mot Carl Fredrik Hagen og Thomas Dahlsrud på den sterke tida 1:44:00. Les meir på Vidar sin blogg. Rune vart nummer 26 med 1:57:03, Nikolai vart nr. 31 med 1:57:19 og Carsten vart nr. 43 med 2:00:48. Sjå resultat på våre resultatsider.

lørdag 14. juli 2012

Molde challenge: Tor Halvor nr. 1 og Vidar nr. 6!

Det 4. rittet i Norgescup terreng, Molde challenge, vart stor sukksess for Vossevangen CK. Tor Halvor Bjørnstad gjorde ein kjempeprestasjon og vann heile rittet, og Vidar Mehl sette ny personleg rekord i Norgescup med 6. plass. Gratulerer, karar!

Les meir på Vidar sin blogg, og sjå resultat på våre resultatsider.

mandag 9. juli 2012

Odda-Bø

Bjarte Vethe, Vossevangen CK, deltok i helga i rittet Odda-Bø. Han sat med tetgruppa heilt til 145 km var køyrd. Då rauk to eiker i bakhjulet og han måtte venta på å få nytt hjul. Då vart det for langt å henta inn att teten, og på grunn av at han ikkje er heilt fri frå forkjøling så valde han å stå av. Sjå resultat på våre resultatsider.

søndag 8. juli 2012

Jotunheimen rundt/Sognefjellsrittet, 6.-7. juli

Fredag kl. 21.00 gjekk starten for Jotunheimen rundt 2012. Odd Inge Jordalen representerte Vossevangen CK i dette knallharde rittet. Odd Inge sat fint med andre pulje opp til Fagernes, der han måtte bryta pga. helseproblem. Synd for Odd Inge, so kjem sterkare attende!

Paul Skeie (BCK), sat med fyrste pulja heilt inn! Paul kom i mål på råsterke 12:58,59 og delt andreplass. Kenneth Fegri (Team Gran Sport) sigra etter å ha rykka i frå fyrste pulje opp til Sognefjellet. Vinnartida var i år sterke 12:47,33.

Laurdag var det Sognefjellsrittet frå Lom til Sogndal. Vossevangen CK stilte med Frode Atterås, Rune Herheim og Jørund Rong. Dei sat alle med i fronten av feltet oppover Bøverdalen. Då stiginga opp mot Sognefjellet starta, klarte ei gruppe å kome seg laus. Rune og Jørund var sitjande i lag i ei mindre gruppe bak. Pga. manglande langingskapasitet på Sognefjellet, måtte ryttarane sjølve stogga for å finna seg drikka. Jørund og Rune laut arbeida godt for å køyra inn att feltet sitt etter dette, men klarte det før nedkøyringa mot Lustrafjorden. Rune og Jørund kom inn på 4:05 (med velt i siste rundkøyring, der Rong gjekk i asfalten so det song, og tok med seg ein heil bøling) og Frode kom inn på 4:23 og alle var godt nøgde. Eit sterkt vinnarfelt gjekk inn på 3:45 og ny løyperekord! Sjå resultat på våre resultatsider.

lørdag 30. juni 2012

Vidar nr. 6 i Norefjellsrittet!

Vidar Mehl, Vossevangen CK/Team Fuji vart nr. 6 i Norefjellsrittet i dag. Dette er Vidar si beste plassering nokon sinne i Norgescup terreng maraton. Les fyldig referat av Vidar sin opptur på bloggen hans. Tor Halvor Bjørnstad frå Vossevangen CK/Hardrocx-proteinfabrikken klarde ikkje å forsvara fjorårets sterke andreplass. Han sykla raskt i store delar av rittet, men tapte over 20 minutt halvvegs og vart nr. 27. (Køyrde han ein omveg, skal tru? Punkterte han utan å ha med seg tyggis?) Nikolai Hanevik vart diverre ein DNF denne gongen: "Rittet i dag gjekk åt skogen! Begynte med å stivna i fyrste bakke, etterfulgt av å miste eine flaska i ein lang nedoverbakke i starten. Etter ca. 8 km måtte eg bryta pga at kjedet hadde fått seg ein lei smell. Dårleg dag for Vossevangen CK/Avdeling Vaksdal". Greg Saw frå Hardrocx-proteinfabrikken stakk av med sigeren. Sjå resultat på våre resultatsider.

mandag 25. juni 2012

Rask NM-exit for Vidar

Vidar Mehl starta sundag i NM fellestart saman med Edvald Boasson Hagen, Lars Petter Nordhaug, Aleksander Kristoff og resten av noregseliten. Vidar har vist med gode terrengritt at han har teke eit nytt steg i år, så me var spente korleis dette kunne slå ut i landevegs-NM.

Diverre var Vidar uheldig: "NM blei dessverre ein ekstremt kort affære! Noken kjørte inn i bakhjulet mitt etter bare 5 km. Det resulterte i at bakdekket datt av felgen! Prøvde iherdig å komme opp igjen, men nytta ikkje då farten i front var meget høg!! :( Surt og kjedelig!!!! :( Takk for at mange stilte opp for å heia/lange idag!" Edvald'n vann, sjå resultatsidene våre.

onsdag 20. juni 2012

Nikolai nr. 2 i Terrengsykkelcup i Bergen

Nikolai Hanevik deltok i dag i Terrengsykkelcup på Krohnegården. Nikolai kom inn til ein fin-fin andreplass i eliteklassen. Løypa var teknisk krevjande rapporterer Nikolai: "Deltok på continentalcupen i kveld. HEftig rundeløype på 1,7 km. Køyrde denne 8 gonger. Var meget krevande teknisk, iallefall for meg ;). Innlagt droppp på 0,5m! Var ein del med, ca 25 i dei vaksne klassane. Kun 4 i elite: Eg, Jordan, Eikset og ein te! Kom på 2. plass, bak Eikset. Jordan og han hinn punkterte begge! Dette hadde vore noke for formannen, hehe!"

Berre nesten for Vossevangen CK i NM

I helga som var deltok Nikolai Hanevik og Eirik Mjelde i U23 NM i Bergen og Bjarte Vethe i Veteran-NM i Otterstad (Vebjørn Turtveit måtte diverre trekkja seg frå Juniorklassen på grunn av sjukdom). Eirik måtte diverre bryta etter tre runder på grunn av knesmerter. Nikolai var med i rittet heilt til siste runden, men det var mange som braut og vart tekne ut av rittet før Nikolai. Bjarte kjempa om andreplassen i M40-44. Han vart hindra av ein velt like før mål og kom i mål på rundt 10. plass. Sjå resultat på våre resultatsider.

fredag 15. juni 2012

Vebjørn mistar NM i Bergen grunna sjukdom

Vebjørn Turtveit er diverre vorten sjuk og må seia frå seg gullmedaljesjansen han har på sundag. I tillegg må Nils Een må diverre trekkja seg frå veteran-NM. No satsar me alt på Nikolai og Eirik som startar kl. 13 på sundag i U23, Bjarte som syklar veteran-NM i Ottestad og Vidar som stiller i senior elite neste helg.

søndag 10. juni 2012

Vidar nr. 8 i Raumerrittet

Vidar Mehl, Vossevangen CK/Team Toyota Fuji leverte eit svært sterk prestasjon i Raumerrittet i helga. Med dei aller beste i landet på startstreken sykla Vidar inn til ein 8. plass, berre 3 minutt bak vinnaren Lars Ragnar Manengen frå Lillehammer CK. Sjå resultat på våre resultatsider og les meir på Vidar sin blogg.

Nikolai nr. 2 i Bergsdalen opp

Nikolai Hanevik viste at NM-formen er på veg med ein sterk andreplass med tida 14:12 i motbakkerittet Bergsdalen opp i helga. Det var fjellgeita Øystein Blom-Ohlsen frå Åsane CK som sovidt klarde å slå Nikolai i spurten. Desse to var i eigen klasse. Magnus Hanevik kom på 2. plass i M20-34 med tida 17:05, Odd Inge Jordalen vart nr. 3 i M40-44 med tida 17:20, Dag Tore Roe vart nr. 3 i M45-49 med tida 17:11 og Hanevik sr. vart nr. 2 i M60-64 med 23:57. Vossevangen CK hadde òg fleire som deltok på rulleskirennet og løpet. Sjå resultat på våre resultatsider.

fredag 8. juni 2012

Vossevangen CK i Sykkel-NM!

‎Den 17. juni brakar det laus med NM på sykkel i Bergen med fellesstart for Junior og U23 i Åsane. Me i Vossevangen CK er så heldige at me har med 4 deltakarar, nemleg Vebjørn Turtveit, Nikolai Hanevik, Eirik Mjelde og Vidar Mehl. Vebjørn startar i U18 kl. 9:00, og Nikolai og Eirik i U23 kl. 13:15. Vidar stiller i fellestart senior elite helga etter, sundag den 24. kl. 13:00. Her det viktig at me stiller opp og heiar på dei folkens! Her er video av løypa:

søndag 3. juni 2012

Treningar framover

På torsdag deler me oss i to puljer, ei med terrengsykkel og ei med landevegssykkel. Felles oppmøte for alle kl. 1730 på meieriet. Treningsplan for resten av sesongen kjem plutseleg.

Bjarte på pallen i landevegsbirken!

Bjarte Vethe tok 3. plassen etter målfoto i M40-49 i dagen fyrste utgåve av Landevegsbirken. I eit frykteleg vær med berre nokre få varmegrader, motvind og regn, kjempa ryttarane seg dei 170 kilometrane frå Rena til Lillehammer. Rittet hadde sterk deltaking og det var profflaget Argon 18 - Xtra Personell som tok dei fyrste plassane. Etter ein lengre motbakke rett før målgang var det likevel berre fem ryttarar som kom før Bjarte si gruppe i mål. Bjarte rapporterer om eit bra arrangement, og at beina var tunge i starten men kom seg mot slutten. Sjå resultat på våre resultatsider.

lørdag 2. juni 2012

Vebjørn nr. 5 på Bergen-Voss!

Vebjørn Turtveit gjorde ein kjempeprestasjon på Bergen-Voss i dag. På ein dag då våre tidlegare vinnarar Bjarte Vethe, Johnny Gjerald og Vidar Mehl ikkje kunne stilla, og årets komet Nikolai Hanevik hadde ein litt dårleg dag, stod Vebjørn fram som vårt nye stjerneskot. Han delte 5. plassen med sju andre svært sterke syklistar på kjempetida 4:11:31. Proffsyklistane Stian Remme frå Joker Merida og Filip Eidsheim frå Sparebanken Vest ØsterHus tok sigeren på 4:07:28. Veldig imponerande av Vebjørn, og han var sjølvsagt suverent best av alle menn under 19 år. Den guten kan meir enn å gå på ski! Sjå resultat på våre resultatsider.

Det var mange av ryttarane frå Vossevangen CK som gjorde svært gode prestasjonar:

Vebjørn med framme med dei raskaste


Me kjem plutseleg attende med meir detaljar, både tekst, bilete og video!

søndag 27. mai 2012

Rong med rå rittdebut i Nordhordland rundt

I dag gjekk turrittet Nordhordland Rundt av stabelen i glitrande sumarver. Vossevangen CK stilte med fire ryttarar. Jørund Rong debuterte i rittet og mot slutten opp Litleskare sprengde han alt som var att av den 3. beste startpulja. Rong fekk tida 2:20:11 og var med det berre dryge 7 minutt bak vinnaren. Odd Inge Jordalen og Rune Herheim stilte i den på papiret raskaste pulja, pulje 1, men var begge uheldige. Odd Inge laut diverre bryta etter punktering. Rune måtte stogga for ein velt og mista teten på grunn av det, men kom seg i mål på 2:18:03. Jarle Søtvik viste at den gode tida frå Skjærgårdsrittet ikkje var eit blaff og kom inn på 2:21:34. Sjå resultat på våre resultatsider.

lørdag 26. mai 2012

Bjarte i vinnarpulja i Color Line Setesdal Tour

Bjarte Vethe kom i mål med vinnarpulja i Color Line Setesdal Tour i dag. Vinnartida vart 5:13:47, snaue 10 minutt bak løyperekorden frå i fjor. Vinnarane hadde ny løyperekord som mål, men sterk motvind i fyrste del av rittet sette ein effektiv stoppar for rekordforsøket. Sjå resultat på våre resultatsider.

søndag 20. mai 2012

Skjærgårdsrittet

I dag gjekk Nye Skjærgårdsrittet av stabelen i strålande vær. For Vossevangen CK sykla Jarle Søtvik, Helge Erik Mæland og Bengt Arvidsson. Jarle imponerte og kom inn saman med dei beste i seeda pulje 2 på tida 2:11:49. Helge Erik sykla på 2:42:50 og Bengt på 2:52:55. Vinnartida var 2:03:41. Nikolai Hanevik og Jørund Rong måtte diverre kasta inn handduken før start grunne sjukdom. Sjå resultat på våre resultatsider.

søndag 13. mai 2012

Nikolai og Bjarte vann seksvassrunden!

I dag vart seksvassrunden avvikla i like fantastisk dårlege forhold som i fjor. Kaldt, regn, og motvind. Men, Vossevangen CK sine jenter og gutar let seg ikkje stagga so lett. Bjarte Vethe og Nikolai Hanevik sat inn med vinnarpulja! At Bjarte vann overraske truleg ingen, medan Nikolai fekk vist at prestasjonen frå Os rundt ikkje var eit blaff. Nikolai har teke eit stort steg i år. Vebjørn Turtveit imponerte igjen og sat i tetpulja nesten heilt til mål. Silje Rafaelsen vart 3. beste kvinne totalt i sin seksvassdebut. Alt i alt deltok 17 frå Vossevangen Ck, og både Vebjørn, Nikolai, Bjarte og Nils vann sine klassar!

tirsdag 8. mai 2012

Sykkelvett

Me er komen godt i gang med sykkelsesongen, sjølv om vinteren ser ut til å ville utsetja den. Mange møter opp på trening og mange er på eigentrening om kveldane. Forbundet har kome med nokre normer for trening på offentleg veg. Dette er gode holdepunkt og kan bidra til færre farlege situasjonar, samt betre forhold mellom bilførarar og syklistar. Les normane her.

mandag 7. mai 2012

Klubbkveld i kveld!

Vossevangen CK skipar til klubbkveld i dag, måndag 7. mai 2012, kl. 18.00 i Idrottshuset. Tema for kvelden handlar om å gjere seg klar til rittsesongen; effektivt og enkelt vedlikehald, justering av gir og bremser, liming av tubulardekk o.l. Me snakkar litt om disponering av krefter i ritt og korleis ein bør trena inn mot konkurransedagen. Me vonar at flest mogleg har høve til å møta.

lørdag 5. mai 2012

torsdag 3. mai 2012

Nikolai i vinnarpulja på Os rundt!

Nikolai nr. 4 over toppen av Fanafjellet
Os rundt 2012 vart arrangert 1. mai i nydeleg vårvær og med eit stort og sterkt startfelt. Nikolai Hanevik køyrde aktivt undervegs og sytte for at ikkje meir enn 10-15 mann klarte å henga med til mål i vinnarpulja. Eirik Mjelde sykla òg inn på ei sterk tid, under 3 minutt bak vinnarane.

tirsdag 1. mai 2012

Gode resultat i Stalheimskleiva opp

Mange av Vossevangen CK sine medlemmer har vore i aksjon i dag. Dei fleste var med på Hardhausen (sykkel, rulleski og løp) i Stalheimskleiva opp. Ungdomane tapeteserte dei øvre delane av resultatlistene, men fotografen tok berre bilete av dei som hadde våre flotte sykkelklede på seg :) Sjå resultat på våre resultatsider. Les om Stalheimskleiva opp i Kondis.

torsdag 26. april 2012

Dobbelt Hanevik på tempo!

Herren gav, Herren tok, Vaksdal for med alt i hop. Nikolai hadde favorittstempelet etter fjorårets prestasjonar, og han infridde. Storebror Magnus leverte dagens skrell og tok andreplassen, trass i dagens desidert dårlegaste innspurt. Eirik tok tredjeplass, som i fjor, men med 13 sekund betre tid enn i fjor. Jørund imponerte og kom på fjerde med sjukdom i skrotten, og Einar pulveriserte tida si frå i fjor og tok femte plass. Sondre kom på sjette, Odd Inge med litt daue bein vart nummer sju, og Ola vart nr. 10. Erlend, Nils Asbjørn, Eivind, Eirik og Jostein gjorde gode debutar i temposykling. Tidtaking og generell støtte vart utført av Anton, Dag, Egil, Vebjørn og Rune.

onsdag 25. april 2012

Tempotest torsdag 26.4

Torsdag 26.4 går Vossevangen CK sin sagnomsuste tempotest på Sætre av stabelen. Me møter til vanleg treningstid kl. 17:30 ved meieriet, har ei felles oppvarming, og så startar testen ca. 18:15.

tirsdag 24. april 2012

Vidar Mehl på vinnarsporet

Vidar Mehl, Vossevangen CK, vann i helga Vårsprinten på Feiring. Fyrst var det ein fellesstart i ei rundbaneløype og så ein tempo-etappe. Vidar vart nummer 2 på begge distansar, og det held til ein solid siger samanlagt i eliteklassen. Les meir på Vidar sin blogg.

søndag 15. april 2012

Rådalen rundt 2012

Vossevangen CK hadde to menn med i årets utgåve av Rådalen rundt: Nikolai Hanevik i eliteklassen og Rune Herheim i veteranklassen. Det såg lyst ut ei stund.

onsdag 11. april 2012

Klubbkveld 15.4 kl. 19 i Idrottshuset

SYKKELSESONGEN ER I GANG! Sundag 15. april kl. 19.00 vert det klubbkveld i idrottshuset. Me diskuterar kort treningsopplegget for vårsesongen 2012, men hovudpoenget vart å hjelpa folk med tilpassing av syklar og sitjestilling. Ta gjerne med sykkel, sykkelsko og sykkelbukse for a få tilpassa sykkelen perfekt med hjelp av VCK sine dugande ekspertar! Elles vert det ein sosial og triveleg kveld, so møt opp!

https://docs.google.com/file/d/0ByrBFAHHYkrzaVgtNlo2T240M3c/edit

mandag 2. april 2012

Syklar til sals

Det er ikkje kvar dag det er to stykk Ridley Noah til sals på same tid. Kanskje våren ser endå lysare ut når du har sjekka ut syklane til Asbjørn Tveit og Nils Een som er til sals. Sjå vår nye "Til sals"-side i venstremenyen.

søndag 1. april 2012

Treningsplan Vossevangen CK våren 2012

Treningar tysdag (roleg) og torsdag (meir fart), avreise begge dagar kl. 17:30. Treningane varar ca. 2 timar, oppmøte ved Meieriet (målgangsområdet Bergen-Voss). Helgeturar avtalar folk seg i mellom, men legg det ut på facebook slik at fleire kan henga seg med. Fyrste fellestreninga vert 10. april! Klikk les meir for å sjå eit mellombels forslag til treningsplan fram til Bergen-Voss. Lenkje til treningsplan

fredag 2. mars 2012

Påmelding til ritt

Påmelding til fleire ritt er i gang, og fleire puljer er i ferd med å fyllast opp. Klikk les meir for å få opp liste med påmeldingslenkjer og/eller rittinformasjon.

tirsdag 28. februar 2012

Bestilling av klede

Hugs fristen innan 1. mars. Informasjonen du treng om kleda finn du på sida klede. Om du treng muntleg informasjon ta kontakt med Johnny. Kontaktinfo finn du på samme side.

mandag 27. februar 2012

Knallsterke 1.plassar i BKK-turrenn på Dalane

Mange flotte prestasjonar på Bulken i helga. Rapportar melder om gnistrande skiføre i flott vinterver.

onsdag 22. februar 2012

Heilårslisens

Dei som ynskjer heilårslisens: send epost til rune.herheim@psych.uib.no for å bestilla. Du må gje beskjed om du vil ha vanleg eller utvida (betre forsikring). Heilårslisens betyr òg at du slepp å kjøpa eingongslisens for kvart ritt du stiller opp i. Klikk her for å sjå oppskrift for utskrift av lisens. Meir infor: http://www.sykling.no/sportslig/lisenser/Sider/Lisenser.aspx.

onsdag 8. februar 2012

Medlemskontingenten

I desse dagar mottek du den kjekkaste fakturaen i året. Medlemskapet i Vossevangen CK! 

søndag 29. januar 2012

Årsmøte Vossevangen CK, 5. februar kl. 18

Klikk på bilete!
Det vert årsmøte for Vossevangen CK sundag 5. februar kl. 18 i idrottshuset.

Me får fyrst eit føredrag med ernæringsprofessor Einar Lied og lege Olav Høstmælingen om ernæring, trening og konkurranse, så startar me årsmøtet etterpå. Føredraget varar 45 minutt + 15 minutt til spørsmål. Klikk her for å lesa meir om ernæringsprodukta deira. Ta kontakt med Einar Lied (95833473/e-post) viss du ynskjer at han skal ta med seg til møtet (då slepp du fraktkostnad). Ps! Einar Lied kjem òg til å koma med informasjon om verdas tøffaste turritt: 1001 Miglia Italia. Han ynskjer at det vert etablert eit lag frå Voss som skal gjennomføre dette rittet i 2013!     Vel møtt både til føredrag og årsmøte!