søndag 30. august 2015

Birken: Kjetil nr. 3 i M35

Vossevangen CK hadde 12 ryttarar i aksjon på årets Birkebeinar-arrangement. Den beste prestasjonen stod Kjetil Isaksen for med ein imponerande 3. plass i

torsdag 27. august 2015

Terrengritt i Bømoen 5. september

Laurdag 5. september skipar Vossevangen CK til terrengritt i Bømoen - for store og små! Her kan alle vera med - det er ein klasse for alle. Les meir på vår info-sida om rittet.

lørdag 22. august 2015

Nikolai nr. 11 i Markathriller'n

Nikolai Hanevik, Vossevangen CK, er reist ein tur til Trondheim for å ta ein master. Då høvde det godt å få med seg terrengrittet Markatriller'n i Granåsen. Etter ein god start, lurvete midtdel og sterk avslutting, enda Nikolai på ein meget godkjent 11. plass. Vossevangen CK sin vinter-triatlet, Tor Halvor Bjørnstad-Tuveng, vann rittet. Les Nikolai sin rapport under, og sjå resultat på våre resultatsider.

tirsdag 18. august 2015

Fellestreningar utover hausten.

Frå ei tilfeldig fellestrening i Vossevangen CK
Ferien er forbi, og det er på tide å koma i haustform! Vossevangen CK satsar på å sykla som vanleg tysdagar og torsdagar kl. 18:00, med oppmøte på meieriet. Me tilpassar lengde og pådrag etter oppmøte og humør, men tysdagar er som alltid roleg! Sykkeltype er valfritt båe dagar, men torsdagar freistar me å ta ei terrengøkt. Vel møtt til alle!


søndag 16. august 2015

Vossevangen CK stilte med 11 stk. på V-G

Voss-Geilo 2015 vert hugsa som motvinds-rittet. Eidjord-Dyranut-Geilo er seigt nok i seg sjølv, men i år la ein solid motvind ein ekstra dimensjon til denne kraftprøven. Vossevangen CK hadde med 11 ryttarar. Bjarte Vethe tok 6. plassen med tida 5:23 og Rune Herheim vart nr. 14 med 5:31. Thierry Matthey, Frode Atterås og Jon Arild Hellebust kom seg òg under seks timar med 5:51, 5:54 og 5:59 høvesvis. Geir Ove Byrkje bomma på 7-timarsgrensa med tida 7:02, Jan Erik Crook fekk 7:27, Erlend Mestad 7:32 og Bengt Arvidsson 8 blank. Cato Vivlid Nilssen og Kjell Olav Tryti fekk begge 8:55. Sjå lenkja til resultat på våre resultatsider.

torsdag 13. august 2015

ContCup i Åsane: Rune nr. 2 og Roger nr. 3

I går sykla Rune Herheim og Roger Eide det tredje rittet i Continentalcup-en. Rittet gjekk rundt i skogen ved Kyrkjekrinsen skule i Åsane. Løypa var variert og utfordrande med både røter, gjørmeparti, opp og ned frå svaberg samt til og med ned ei tråpp - ei teknisk løypa som skilde godt. Kristian Ellertsen viste nok ei gong at slike løyper meistrar han ypparleg og vann med klar margarin. Rune sette ny rekord då han klara å halda fylgje med Ellertsen i over 200 meter og enda til slutt på ein fin-fin og klar 2. plass. Roger suste inn til ein like klar 3. plass i sitt andre ritt i continentalcupen. Sjå resultat på våre resultatsider, og les rittrapportar under.

søndag 9. august 2015

Vossevangen CK på NM maraton terreng

Laurdag 8. august gjekk årets NM maraton terreng av stabelen som ein del av Helteritt-arrangementet på Rjukan. Det var NM både for elite og masters. Vossevangen CK hadde med fire mann: Nikolai Hanevik og Kjetil Isaksen i eliteklassen, og Bjarte Vethe og Rune Herheim i mastersklassen. Ein kan trygt seia at det var ei svært hard løypa med 25 km i krevande terrengparti, 25 km asfalt, 55 km grus og heile 2500 høgdemeter der ein mellom anna skulle heilt opp på Hardangervidda. Nikolai enda til slutt på ein

Jon Arild nr. 23 på Klosterrittet

Jon Arild Hellebust tok ansvar og sytte for at Vossevangen CK markerte seg på Klosterrittet i helga. Klosterrittet er eit fint terrengritt på Totland/Bontveit utanfor Bergen med 60 km fordelt på fire rundar. Jon Arild enda til slutt på ein fin 23. plass trass i at det gjekk noko tyngre på slutten p ågrunn av drikkevanskar. Les Jon Arild sin rittrapport under, og sjå resulatliste på våre resultatsider.

mandag 3. august 2015

Kjetil nr. 22 på Criterium gateritt

Kjetil Isaksen, Vossevangen CK, sykla laurdag det 4. rittet i Noregscupen på landeveg i Trøndelag og criterium gateritt sundag. Rittet laurdagen viste seg å verta den hardaste løypa i år med over 3000 høgdemeter. Då vart det ikkje eit ritt som passa for Kjetil, men det var mange sterke ryttarar som vart teke ut av rittet før Kjetil. Gaterittet sundag passar derimot Kjetil langt

lørdag 1. august 2015

Silje nr. 5 på Norseman!

Silje Hjorth Rafaelsen, Vossevangen CK, tok i dag ein fantastisk 5. plass i Norseman Xtreme Triathlon! Denne triathlon-tevlinga vert av mange rekna som den hardaste i verda: 3,8 km symjing i iskalde bylgjer i Hardangerfjorden, 180 km sykkel opp og over Hardangervidda, Dagalifjell og Imingfjell og til slutt 42 km maraton med målgang på toppen av Gaustadtoppen! Med totaltida 12:44:03 var det berre 4 kvinner som klarde å slå Silje, og faktisk berre 52 menn! Ein imponerande prestasjon. Sjå komplette resultat på våre resultatsider, og les Silje sin utruleg flotte race report under!

Cato representerte VCK i Grenserittet

Cato Vivelid Nilssen tok ansvar for at Vossevangen CK si drakt vart vist fram på årets Grenseritt. Grenserittet er eit svært populært terrengritt på 80 km frå Strømstad til Halden. Cato sykla inn til tida 3:50:03. Vann gjorde Wengelin frå Sverige på 2:26:51. Sjå resultatlister på våre resultatsider.