Vossevangen CK

Siste spinning denne vinteren vert

2012-03-11T19:38:00.000+01:00

no på tysdag! Hopp i SUV-en og kom på spinning!

Påmelding til ritt

2012-03-02T13:07:00.000+01:00

Påmelding til fleire ritt er i gang, og fleire puljer er i ferd med å fyllast opp. Klikk les meir for å få opp liste med påmeldingslenkjer og/eller rittinformasjon.

11.3 Herresåsen rundt

15.4 Rådalen rundt

01.5 Os rundt

01.5 Stalheimskleiva “Hardhausen”

06.5 Gullfjellet rundt

13.5 6-vatnsrunden

20.5 Skjærgårdsrittet

27.5 Nordhordaland rundt

Bestilling av klede

2012-02-28T09:57:00.002+01:00

Hugs fristen innan 1. mars. Informasjonen du treng om kleda finn du på sida klede. Om du treng muntleg informasjon ta kontakt med Johnny. Kontaktinfo finn du på samme side.

Knallsterke 1.plassar i BKK-turrenn på Dalane

2012-02-27T09:18:00.000+01:00

Mange flotte prestasjonar på Bulken i helga. Rapportar melder om gnistrande skiføre i flott vinterver.

Einar Bystøl gjekk inn til siger i klasse 51-55 år. med den gode tida 57.11. Einar var berre 5m og 30s bak totalvinnar Kristen Skjeldal, som i tillegg sat løyperekord. Arnstein Ringheim tok ein knallsterk siger i klasse menn 31-35 år med tida 59.49. Rennet som gjekk i Dalane skisenter er 22 km langt i tildels krevande og harde løyper. Nikolai Hanevik tok klassesiger i 19-20 årsklassen under 3 minutt etter Kristen. Einar Trefall gjekk i mål med tida 54.02 som held til ein andreplass totalt i rennet.

Nikolai og Mjelden på pallen

Mange gode prestasjonar som viser at vossevangarane ikkje ligg på latsida gjennom vinteren. Blir spennande å setja sykkel mellom beina på desse spreke karane om ein månad eller to...

Me gratulerer.

Heilårslisens

2012-02-22T12:27:00.005+01:00

Dei som ynskjer heilårslisens: send epost til rune.herheim@psych.uib.no for å bestilla. Du må gje beskjed om du vil ha vanleg eller utvida (betre forsikring). Heilårslisens betyr òg at du slepp å kjøpa eingongslisens for kvart ritt du stiller opp i. Klikk her for å sjå oppskrift for utskrift av lisens. Meir infor: http://www.sykling.no/sportslig/lisenser/Sider/Lisenser.aspx.

Webshop for kjøp av klede er open til 1. mars

2012-02-14T11:15:00.003+01:00

Les meir på våre sider om klede.

Medlemskontingenten

2012-02-08T16:57:00.001+01:00

I desse dagar mottek du den kjekkaste fakturaen i året. Medlemskapet i Vossevangen CK!

Minner om at dei som skal løyse lisens må ha medlemskapet i boks før dette kan ordnast. Lisensen fiksar Rune Herheim. For dei som betalar familiemedlemskap er det viktig at de sender ein e-post til Rune der han kan registrera alle medlemmane. Då lyt de senda namn og fødselsnummer på arvingane og kåno/mannen. Adresse og telefon om dei har dette. Kontingenten er lik som den var i fjor.

Om du ser dette og ikkje er medlem vonar me du vil lesa meir om klubben på desse sidene og særleg denne sida: bli medlem.

Medlemssatsane er:

Hovudmedlem: Kr 350,-
Familiemedlem: Kr 400,-
Ungdomsmedlem: Kr 200,-
Støttemedlem: Kr 100,-

Årsmøte Vossevangen CK, 5. februar kl. 18

2012-01-29T11:15:00.013+01:00

Klikk på bilete!

Det vert årsmøte for Vossevangen CK sundag 5. februar kl. 18 i idrottshuset.

Me får fyrst eit føredrag med ernæringsprofessor Einar Lied og lege Olav Høstmælingen om ernæring, trening og konkurranse, så startar me årsmøtet etterpå. Føredraget varar 45 minutt + 15 minutt til spørsmål. Klikk her for å lesa meir om ernæringsprodukta deira. Ta kontakt med Einar Lied (95833473/e-post) viss du ynskjer at han skal ta med seg til møtet (då slepp du fraktkostnad). Ps! Einar Lied kjem òg til å koma med informasjon om verdas tøffaste turritt: 1001 Miglia Italia. Han ynskjer at det vert etablert eit lag frå Voss som skal gjennomføre dette rittet i 2013! Vel møtt både til føredrag og årsmøte!

Påmelding Bergen-Voss 2012

2012-01-24T21:51:00.002+01:00

Påmelding opnar sundag 29. januar. Les alt du treng å vita ved å trykkja på denne lenkja.

Oppdatert spinningsplan

2012-01-16T09:28:00.000+01:00

No er planen lagt for spinningane til mars. Spinn i veg! Sjå våre treningsider.

Fellestrening tysdagar 1730-1945 hjå Mosjonsgutane

2011-11-11T10:24:00.001+01:00

No er det lagt ut informasjon på treningssidene våre. Der finn du informasjon om tider, kven som er instruktør og kva type spinningsøkt det vert. Gje beskjed i skranken om at du er medlem i Vossevangen Ck. Ein kan òg kjøpa klyppekort viss ein ikkje skal trena så ofte hjå Mosjonsgutane.

MALLORCA MARS 2012

2011-11-06T13:42:00.006+01:00

Vossevangen CK reiser til Mallorca i siste halvdel av mars 2012. Alle er hjarteleg velkomne til å vera med. Dette er ein makalaus sykkelferie på ei øy som er perfekt for sykling i kort sjåtts i mars. Opplegget er fleksibelt (og billig!): ein vel fritt kva tidspunkt ein reiser ned og heimatt. Me bur på Fontanellas, gå inn og bestill sjølv på Velotel. (I år kan det sjå ut som me vert ein heil delegasjon ... sjå æppetaisar)

Trykk på les meir for å sjå kva flyreise me har me som alt har bestilt.

Dag Tore og Odd Inge (brukte skyscanner.net, bestilte direkte hjå AirBerlin):
24.03 Norweg.: Bergen-Alicante 0620-1000, AirBerlin: Alicante-Mallorca 1240-1335
31.03 SAS: Mallorca-Oslo 1335-1710 og Oslo-Bergen 1930-2020

Trytien reiser ned 17.3 og heim att 24.3

Bjarte, Rune, Knut, Jon, Paul, Magnus og Nikolai (brukte finn.no):

21.3 Bergen-København-Mallorca, SAS, 06:00-12:15

31.3 Mallorca-Oslo-Bergen, SAS, 13:35-20:20

Kjetil (han brukte telefax):

21.3 Bergen-København-Mallorca, SAS, 06:00-12:15

28.3 Mallorca-Oslo-Bergen, SAS, 13:05-18:35.

Påmelding Birken 2012 ons. 9.11 kl. 09:00!

2011-11-05T09:41:00.002+01:00

Onsdag 9. november kl. 09:00 opnar trinn 1 på www.birkebeiner.no. Når du går inn på www.birkebeiner.no vil heile sida verta lagt i ”påmeldingsmodus” frå ca. kl 07:30. Eit nedteljingsur vil visast fram til påmeldinga opnar kl. 09:00.

Hjulsett til sals: Easton EC90 Aero

2011-11-04T20:15:00.007+01:00

Hjulsettet er kjøpt på Sykkelsenteret våren 2011, og er berre brukt i 3 ritt. Dei er i god stand og vert seld med dekk limt på. Dei kan verta dine for kr 8.000,-.

Ta konktakt med:

Odd-Inge Jordalen, tlf 90626520.

Vintertrening 2011-12

2011-10-22T20:52:00.001+02:00

I vinter kjem me som de veit til å trena hjå Mosjonsgutane. Gje beskjed om at du er medlem i Vossevangen CK, så får du rett pris. Dei har mange tilbod i tillegg til styrketrening, så her er det berre å gje gass heile veka.

Me satsar på ei fellestrening i veka: tysdagar kl. 1730-1945. Me trener fyrst styrke 1730-1830, deretter spinning 1830-1945. Bjarte, Stine og Nils har vore så velvillige at dei tek på seg instruktørjobben på deling.

FYRSTE FELLESTRENINGA VERT TYSDAG 1. NOVEMBER, KL. 1730-1945!

To terrengsyklar litt sals

2011-10-17T20:59:00.003+02:00

Gary Fisher, ny i 2008, til sals for 5999,-. Dette er ein 29 tommar, passar til folk mellom ca. 173-185 på sokkaleisten. Ny kassett, ny kjeda, alt fungerer som eit skot.

Sjå annonse på finn: http://www.finn.no/finn/torget/tilsalgs/annonse?finnkode=30815569

Corratec Revolution, 2011 mod., polert, som ny, til sals for 16.900,-. Brukt nokre måndar på seinsommaren. Passar til folk mellom 173-187, ca. Sjå annonse på finn: http://www.finn.no/finn/torget/tilsalgs/annonse?finnkode=30815915

Ta kontakt med Rune på 95272414 eller rune.herheim@psych.uib.no.

Helsing frå Stine og Johnny

2011-10-12T20:36:00.004+02:00

"Hei alle sammen!

Tusen takk for gavekortet og planten vi fikk i anledning vårt bryllup 1.10.11. Vi hadde en flott dag på Stalheim. Nå ser vi frem til en snørik vinter med trening og mange kvelder med dere på spinning.

Mvh Stine og Johnny Gjerald"

Klubbmeisterskap 2011, Vossevangen CK

2011-10-09T12:16:00.011+02:00

I strålande haustever vart årets klubbmeisterskap til Vossevangen CK arrangert. Flott dag, flott ritt, mange ryttarar og mange støttespelarar stilte opp. Bjarte Vethe vart årets klubbmeister. Gratulerer!

Intens spaning før start

Om kvelden hadde me årsfest på Store Ringheim. Her vart det utdeling av årets mange gjeve prisar.

Den offisielle prisutdelinga vart som fylgjer:
Ungdomsstøtte: Carsten Christensen, Nikolai Hanevik, Eirik Mjelde og Sondre Tysseland.
Årets prestasjonar: Vidar Mehl, Asbjørn Tveit og Bjarte Vethe.

Klikk på bileta for å sjå dei store.

Stoltzen 2011: Eirik og Einar med knalltider

2011-09-25T22:08:00.022+02:00

Vossevangen CK hadde fleire med i årets utgåve av Stoltzen. Dei to raskaste av våre var Eirik Finne og Einar Trefall. Dei kom begge under den magiske grensa på 10 minutt, og tida 9.55 held til ein imponerande delt 34. plass av 4200 sprekingar.

Sondre Tysseland fekk den sterke tida 10.14. Med det vart han nr. 59 av totalt 3000 i herreklassen. Eit utropsteikn set me bak namnet til Nina Helgaset, som med tida 13.05 vart nr. 50 av dei 1200 deltakarane i dameklassen.

Kven er dette???

INVITASJON KLUBBMEISTERSKAP OG ÅRSFEST, LAURDAG 8. OKTOBER

2011-09-21T12:15:00.001+02:00

Klikk på bilete for å få det større.

Renate nr. 7 og Einar nr. 8 i Birken-trippelen!

2011-09-18T21:11:00.007+02:00

Einar i mål etter Birkebeinarrittet

Renate (arkivfoto)

Reante Salbu og Einar Bystøl frå Vossevangen CK sprang i helga Birkebeinarløpet. Dei har før i år gått både Birkebeinarrennet og sykla Birkebeinarrittet. Når alle desse tre tidene vårt slått saman, så kom Renate på ein fin 7. plass i klassen 20-24 år, medan Einar kom på ein sterk 8. plass i klassen 50-55 år.

Sjå resultat på våre resultatsider. Les meir på http://www.birken.no/.

Knallprisar på 2012 syklar til våre medlemmer

2011-09-16T11:16:00.004+02:00

No har me fått klubbtilbod for neste års sykkel-modellar frå G-sport. Diamant-syklane har no vorte svært populære, og me har fått ein veldig god avtale ned G-sport. Sjå syklane her.

Syklane vert levert seinast i veke 16. Ein betalar ikkje før ein får sykkelen. Viss du ikkje har fått e-post med prisar og bestillingsskjema, ta kontakt med Rune.

NB: Bestillingsfrist er 20.9. Bindande bestilling.
Trykk på les meir for å få vita meir detaljar.

27-42 er standard utveksling for krank på Diamant syklene. Det finnes i 26-39 også, men det brukes mest i mellomeuropa
Kasettene er 11-32 som standard på Diamant, bortsett fra på fulldempere
Token karbonsetet er vel det mest komfortable fullkarbonsetet på markedet fordi det har mye fleks. Det vil likevel være hardere å sitte på enn f. eks. et Selle Italia sete.
Apex T29 LTD:
Rammegeometrien for Apex T29 LTD jobber vi fortsatt med, så den er ikke helt spikret. Den vil få 9 cm styrerør i 17", så sittestillingen vil bli relativt aggressiv i forhold til andre 29" sykler på markedet.
17" vil passe fra 175-ca 184, 19" vil passe fra ca 183-192

Klubbmeisterskap og årsfest 8. oktober!

2011-09-14T10:27:00.000+02:00

No er datoen setla: 8. oktober. Kvess klødne! Spre rykte! Smør kjedo! Start psykologisk krigføring! Årets viktigaste ritt nærmar seg!

Skarverittet: Nikolai vann M17-19

2011-09-11T14:57:00.013+02:00

Nikolai Hanevik, Vossevangen CK, viser at formen så aboslutt er inntakt. Han vann klasse M17-19 i Skarverittet med den sterke tida 2.05.50. Då kom han så høgt som ein 17. plass totalt.

Rittet hadde ein sterkt startfelt med fleire frå Norgeseliten på plass. Vinnar vart Håkon Austad frå Team United Bakeries på 1.51.24, og nr. 2 vart årets norgescupvinnar i maraton terreng, Greg Saw frå Proteinfabrikken-Abax, med 1.52.48. Mange toppryttarar slo Nikolai med berre nokre minutt trass i at dei sykla saman i eliteklassen medan Nikolai måtte gjera løpet aleine i pulje 4. Håvard Bøkko var ein av mange som måtte sjå seg slått av Nikolai i helga. Bøkko sleit truleg med svingteknikken ...

Sjå resultat på våre resultatsider. Les meir på http://www.skarverittet.no/.

Sykkelcamp på Golsfjellet

2011-09-05T19:18:00.001+02:00

Njål, Jarle og Martin tok turen austom vatnskilje for å finna sykkelterreng for hardtail. Me lukkast, nydeleg tur med varierande terreng (og ver).

Jarle og Martin tjuvstarta turen torsdag. Då logistikken låg klar, nytta me høve til å sykla Rallarvegen frå Myrdal til Haugastøl. Me var heldige med veret til Finse, i tillegg til lite syklistar. Etter ein god rast på Finse, bar det til Haugastøl i lett regn. Flott tur der vegen var bra stort sett overalt. Njål, som hadde jobba torsdagen, kom plutseleg køyrande forbi, så bar det til Golsfjellet og Ørterstølen. Fredag vakna me til glimrande ver. Me var ute i 5 timar i varierande terreng. Grusveg, sti, myr, trektorveg og innsjøar (mykje overvatn). Men ein fin miks. Veret laurdag var dårleg, så det blei ein kortare tur denne dagen. Men det er rart med det. Me starta i høljeregn og då me kom heim var det opplett, ingen hugsa når det slutta å regna. Når ein først kjem seg ut.... Njål og Jarle hadde nok ein langtur på sundagen, medan Martin tok ein kortare joggetur. Me kan trygt tilrå samme turen. Flott hytte på Ørterstølen, somutanfor sesong er ok på pris. Terrenget treng ein veker på å utforske. Ein får det nett som ein vil ha det.

Strandsykling ved Hallingskeid.

På Flæin på Golsfjellet.

Nydeleg veg å sykle på.

Store vidder.

Ei snurren jeipa me traff. Interessert i sykkel var ho og.

Den grøne sløyfa: Nikolai og Eirik på pallen!

2011-09-03T20:23:00.007+02:00

Det nye turrittet "Den grøne sløyfa" frå Evanger til Eidsland vart i dag avikla under noko fuktige forhold.

Klikk på les meir for å sjå Nikolai sin strålande rittrapport :)

Det var team stril som måtte forsvare klubben si ære i årets utgåve av rittet "Den grøne Sløyfa", som gjekk frå Evanger til Eidslandet (rundt 5mil). Mjelde var optimistisk før start, sjølv om han ikkje hadde vore på sykkelen sia Bergen-Voss. Rittet inneheldt den berykta fjellovergangen "Nesheimfjellet", og det var her rittet blei avgjort. Begge vossevangen sine representantar var i tet, men ein ryttar frå BCK klarte å rykkje frå Hanevik og Mjelde.

Nesheimsfjødle: Her ser me Nikolai (svært) tett bak Eirik

Sjølv om dette verka ut som eit "kamikaze"brudd, holdt han heilt til toppen, og hadde vel 1:30 min på mjelde og Hanevik, som fulgte som nr. 2 og nr. 3. Bakover blei det store tidsdifferanser, difor konsentrerar me oss om det som skjedde i tet. Mjelde var pigg opp Nesheimfjelelt, medan hanevik fekk det litt halvegs, og måtte fokusere på bakhjulet til Valestrands store son. BCk-ryttaren klarte å auke forspranget sitt ned den fyrste utforkjøinga, og leda med ca 3min når "flatane" i Eksingadalen byrja.

Eksingadalen: Her ser me Nikolai (framleis svært) tett bak Eirik

Mjelde og Hanevik køyrte godt saman heile vegen og bytta på føringa, men klarte ikkje å ta igjen ryttaren i tet. I mål var me ca 2min bak vinnaren. Då fekk me opplyst at BCK-ryttaren var ein franskmann, med navn: G. Potier, tydlegvis ei fjellgeit av rang. Det var mange rykter i målområdet, og dei fleste gjekk ut på at dette var ein tidligare storryttar frå 2.laget til "Creditt Agrikål", og han kom rett frå ei lang høgdesamling i dei franske alpene. Desse ryktene blei ikkje bekrefta, verken av arrangør eller Mr. Potet sjølv.

Franskmannen vann på 1:44:00, medan Eirik og Nikolai kom inn på 2. og 3. plass, på tida 1:46:00. Det som vart mest snakk om i ettertid, og som vil bli snakka om i fleire generasjonar på Eidsland, var Mjelde sin spurt. Målgang var på kaien på Eidsland, og difor var det naturelg at ryttarane bremsa ned inn mot målseglet. Men Mjelde hadde eigne planar, og ein såg tydleg korleis han trykte ekstra på dei siste metrane mot mål. Her kan ein henvisa til ein av dei mange mesterverka til gruppa Vinskvetten:

Mjelden trakka so galen
Folk var heilt i ekstase
Der han svinga opp ette veggen på ein nymala garasje
Med kurs i mot kaien, sjødn og have
Fekk Mjelden sykkelbuksa fast bak i nave
Med skrik frå arrangøren
Og giren i tredje
Tok Mjelden "nesten" av i frå ferjeleie
Da var heldigvis ikkje det siste dei såg te sykkelkongen der han einsam rei
ut ned i solnedgongen

Heldigvis kan me medela at mjelden fekk hiva seg på bremsane før kaien stoppa, og delte såleis ikkje skjebne med Ingolf Kvamme. Ellers var det eit flott arrangement, med rikskjendisen "maratonmannen" som speaker på start og i målområdet. Sjølv om været ikkje var topp, ser me fram mot neste års utgåve av "den Grøne Sløyfa". Vossevangen CK sitt støtteapparat bestod denne dagen av Odd Inge og Anton.

Resultat: Sjå resultatsidene våre.
Sjå meir på feisbukk: http://www.facebook.com/?ref=home#!/sloyfa
Og internettsida deira: http://www.dengronesloyfa.no/

Tor Halvor vann (ikkje) UltraBirken!

2011-08-28T10:07:00.010+02:00

Tor Halvor Bjørnstad frå Proteinfabrikken/Vossevangen CK vann fredag UltraBirken i utklassingsstil. Eller det vil seia, han vann vist ikkje, trass i at han hadde vunne likevel :). Les siste nytt hjå dn.no og hjå birken.no.

Foto: Reidar Kjæstad/NRK

UltraBirken er eit ekstremt terrengløp på 11 mil, steinete og veldig bratt opp og nesten endå brattare ned. Tor Halvor vann med 27 minutt, trass i ei punktering (som han fiksa med sjokoladepapir!).

Vossevangen CK hadde mange ryttarar i aksjon denne helga på det "vanlege" 94,6 km lange terrengrittet, både på fredagsbirken og laurdagsbirken. Trykk på les meir for å sjå bilete og for å få fleire detaljar.
Her kan du lesa meir om Tor Halvor sin prestasjon på birken.no og hjå NRK.

Vossevangen CK sine to sterkaste kort, Vidar Mehl og Bjarte Vethe, hadde diverre ein litt dårleg dag og fekk ikkje vist kva dei er gode for. Vidar sykla på 3:05:05 og var med det 10 minutt bak vinnaren Stian Remme (les meir på Vidar sin blogg). Bjarte fekk tida 3.08.10, men med punktering. Bjarte vart gjort litt ekstra stas på av arrangøren både fordi han hadde gebursdag, men fyrst og fremst fordi han med årets løp har sykla 15 birkebeinarritt.

Nikolai Hanevik sykla veldig godt og vart nr. 12 i M18 med tida 3.11.48. Sondre Tysseland sykla i same klasse og debuterte med den gode tida 3.56.19. Renate Salbu hevda seg godt i K20 med tida 4.14.09. Jorun Dugstad sykla i same klasse og fekk tida 5.27.04. Einar Bystøl sykla fort i motbakkar og litt roleg ned, men samla sett fekk han ei god tid: 3.19.07. Carsten Christensen sykla òg fort: 3.20.53, og det same gjorde Arnstein Ringheim: 3.30.22. Kjetil Mehl viste med tida 3.38.39 at han er i god form framleis. Rune Herheim fekk tida 3.36.15 og Kjell Olav Tryti 5.18.15. Odd Inge Jordalen og Anton Hanevik måtte diverre bryta. Alt i alt, ei flott Birken-helg med mange ryttarar frå Vossevangen CK i aksjon, mange debutantar og mange sterke tider.

Bjarte

Nikolai

Nikolai og Einar

Carsten

To sykkelfestivalar i september

2011-08-24T11:58:00.002+02:00

Ck Sotra inviterer til Øygarden sykkelfestival 3. og 4. september: Lenkje (påmeldingsfrist 28.8).
Åsane Ck inviterer til Åsane sykkelfestival 10. og 11. september: Lenkje (påmeldingsfrist 3.9).

Klatreturen

2011-08-17T10:53:00.004+02:00

Tre vossevangarar, Jarle, Egil og Martin, ville ha ei utfordring litt utanom kvardagsturen. Lenge har me snakka om at det hadde vore kjekt å sykle opp på fjellet frå Aurland, 1300 meter rett opp. Etter ein del snakk med ungdommelege og bråkjekke vendingar utvida turen seg til det doble.
Turen opp frå Aurland gjekk fint, jamn stigning og berre ein unnabakke på ca 1 meter. ca 1,5 timar brukte me opp. Alle forhaldsvis lette og fine på toppen, så me var vel ikkje i tvil om at me ville gjera turen optimal. Etter ein del kupert terreng oppe på fjellet bar det 1300 meter ned til Lærdal. Moro, men langt. Etter 4 kilometer flatt og ei punktering (pass opp for den stygge steinen i den vetle tunnelen rett før Lærdal) inn til Essoen på Lærdal blei det pizza (pizzaen var god) og cola(alltid godt), samt litt proviantering til tilbaketuren. Smånærvøse bar det tilbake utover til start stigning. Det var ikkje villige bein som byrja stigningane. Men etter litt fant me alle ein rytme, Martin sin rytme var nok litt seinare enn dei andre to, men det var ikkje noko alternativ når vegen går rett opp. Det gjekk faktisk fint opp med alle. Det småkuperte terrenget på toppen var ikkje lenger småkupert, bakkane der tok nesten knekken på beina. Men når ein står på toppen på Aurlandssida, veit ein at no er det berre 1300 meter ned til bilen. Flotte smil var klistra på gjengen i det me bikka kanten. Vel nede i bilen var stemninga høg og me kunne konstatera (klokke med funksjonar) at me hadde tilbakelagt 100 km på 6,5 timar (inkl. pausar). Me hadde klatra totalt 3000 meter og kjørt utfor 3000 meter. Litt anna enn ein tur rundt Vangsen... Tilrår å teste denne turen. Vakker natur og ei flott utfordring for ein ivrig syklist.

Klare til start i Aurland. Kontroll av utstyr og omkledning.

Utsikt frå Stegastein ned mot Aurland ca 650 meter under oss.

Gjengen samla på Stegastein. Her er me halvvegs til toppen frå Aurland.

Ein liten matbit 200 meter under toppen opp frå Lærdal. Martin har begynt å kjenna det i beina.

Asbjørn med glimrande 4. plass i Nordisk meisterskap

2011-08-14T20:30:00.000+02:00

Asbjørn Tveit viser igjen at han er i støtet. Ein glimrande 4. plass i nordisk meisterskap i Finland. Asbjørn sat inn med hovudfeltet, som sprakk opp litt på slutten. Han var godt med i spurten, og var berre 10 cm frå 3. plass og pallen. Asbjørn er og kvalifisert til å representere Norge under VM i Austerrike. Asbjørn har verkeleg vist god form denne sommaren med god plassering i NM og i Nordisk. Me veit kva me målar oss med på trening med andre ord. Me gratulerer!

Sjå resultat på våre resultatsider.

Vidar nr. 9 i Drammensrittet

2011-08-13T23:05:00.000+02:00

Vidar Mehl vart i dag nr. 9 i Drammensrittet. Han fekk ein tung start, men med ein sterk siste halvdel av rittet kom han seg inn på ein sterk 9. plass i eliteklassen. Greg Saw vann rittet. Les meir på Vidar sin blogg. Sjå resultat på våre resultatsider.

Nikolai, Carsten og Rune prega Klosterrittet

2011-08-13T21:21:00.011+02:00

Klosterrittet vart avvikla i dag med strålande forhold i langrennsløypene på Totland/Frotveit.

Rittet er eit 60 km langt terrengritt fordelt på 4 rundar på 15 km, og nærare 200 syklistar let seg freista til å måla krefter på sykkelsetet denne dagen. Vossevangen CK sine tre menn beit godt i frå seg.

Traseen er ikkje teknisk vanskeleg, men han er svært tøff fysisk. Harde, lange stigningar og mykje berg og dalbane gjev eit ritt der ein aldri får kvila. Det er heller ingen strekk med grusveg der ein kan samarbeida, så det vert mykje kamp mann mot mann.

Nikolai Hanevik, Carsten Christensen og Rune Herheim var med godt framme og var heile vegen mellom dei 10-20 fremste. Nikolai hadde mest krefter på slutten og sykla inn til ein sterk 9. plass totalt med tida 2:08:16. Han vann juniorklassen og var berre 3 minutt bak 4. plassen totalt. Rune kom inn på 15. plass med tida 2:10:57 og vart nr. 4 i M30. Carsten vart nr. 21 på 2:13:38, og vart nr. 2 i M20. Vinnar vart Andreas Nygård frå Klepp Cycleklubb, og det gjekk eit rykte om at han er ein tidlegare fotballspelar frå Bryne!

Takk til Anton som tok ansvar som manager og til Toyota Jæger Voss for lån av bil!
Sjå resultat på våre resultatsider. Les meir på http://www.klosterrittet.no/.

Carsten i mål.

Nikolai i mål.

Rune i mål.

Den grøne sløyfa 3. september

2011-08-09T14:09:00.002+02:00

Sykkelrittet "Den grøne sløyfa" går frå Evanger til Eidsland, 57 km.

Arrangørane skriv: "Den Grøne Sløyfa, EMIL, Eidsland Grendalag og Voss Sykleklubb inviterer også i år til sykkelritt. Trasé: Start på Evanger, inn Teigdalen, opp Nesheimsfjellet, ned til Nesheim og vidare nasjonal sykkelveg 4 ned Eksingedalen med avslutning på Eidsland. Totalt 57 km, høgste punkt ca. 750 moh. For dei som ynskjer å sykle kortare, er det start kl. 12:30 på Lavik, den korte traseen er 21 km. Det blir persontransport frå Eidsland til Evanger før start, slik at dei som ynskjer, kan plassere bil ved målområdet. Sykkel må plasserast ved start. Eingongslisens kan løysast for dei som sykler langdistansen. Deltakaravgift: kr 250, inkl. transport, varmt måltid og levende musikk (!). Kr 150/100 for den korte versjonen. Deltakarpremie og premiar på startnummer. For informasjon og påmelding: post@aktivimodalen.no, tlf. 976 28 131. Velkomen til haustens vakraste sykkelritt!"

Den grøne sløyfa på facebook

http://www.dengronesloyfa.no/

BCK inviterer til Munkebotn opp 16.8 og Bontveit tempo 23.8

2011-08-09T13:57:00.003+02:00

Innbydelsar: Munkebotn opp og Bontveit tempo.

Massevelt i Grenserittet

2011-08-06T18:55:00.007+02:00

Vossevangen CK hadde to ryttarar med i Grenserittet: Vidar Mehl og Bjarte Vethe. Grenserittet er eit stort terrengritt med 7000 ryttarar og internasjonal deltaking. Rittet er 80 km og går frå Strømstad til Halden.

Både Vidar og Bjarte sykla i eliteklassen. Dei sat begge med i tetgruppa etter 5 km. Diverre vart det der ein massevelt, og begge Vossevangen sine karar havna midt i smørja. Verst gjekk det utover Vidar som måtte bryta. Heldigvis kom han frå det utan brot eller strekte leddband. Les Vidar si vurdering her.

Bjarte fekk vikla laus hjulene frå andre sine trøer og styret ut av eit kaos av vaierar og sykla vidare. Til slutt kom han inn på tida 2:46:00 og ein sterk 9. plass i sin klasse. Bestemann totalt var Matthias Wengelin frå Sverige på 2:33:24.

Sjå resultat på våre resultatsider. Les meir på http://www.grenserittet.com/.

Påmelding til Klosterrittet

2011-08-03T10:03:00.001+02:00

Klosterrittet er eit flott terrengsykkelritt, 60 km, på Totland ved Bergen. Påmeldingsfrist er 08.08.2011 kl. 12:00. Lenkje til påmelding. Me får låna Toyota av Jæger. Rittet er seedingsritt til Birken.

NM terreng, maraton

2011-08-02T09:59:00.001+02:00

Vossevangen CK hadde to mann på startlista til NM på terrengsykkel i helga.

Det vart diverre ingen stor suksess denne gongen. Bjarte Vethe måtte kasta inn handuken med ryggproblem. Vidar Mehl stilte til start og låg lenge godt an. To punkteringar sette deretter ein effektiv stoppar for Vidar sine sjansar denne dagen.

Les meir på Vidar sin blogg.

Hardingrittet 2011

2011-08-02T09:51:00.003+02:00

Hardingrittet er eit turritt på 77 km frå Utne til Lofthus. Det var avvikla den 30.7 i strålande vær.

Om det var det fine været, den nokså flate løypa eller ein del lite røynde syklistar er vanskeleg å seia, men det var iallefall ein del uvøren sykling. Trass i dette så kom ei gruppe på omlag 40 mann samla i mål på ny løyperekord: 1:44:08. Dette gir ein snittfart på 44.4 km/t. Rune Herheim var einastet representant frå Vosssevangen CK dette året, men han sat i det minste med i vinnargruppa.

Les meir i Hardangar folkeblad.

Sjå resultat på våre resultatsider.

Vidar Mehl nr. 3 i Valdresrittet

2011-07-23T18:50:00.008+02:00

Vidar Mehl sykla inn til ein sterk 3. plass i Valdresrittet i dag med tida 2:02:25. Han kom inn berre 40 sekund bak vinnaren. Det hadde regna mykje i dagane før rittet, så det vart eit tungt ritt. Les Vidar si vurdering av rittet her.

Foto: D. Christensen

Bjarte Vethe vart nr. 2 i klasse 40-44 med tida 2:19:27 trass i at han knakk setepinnen. Carsten Christensen kom inn på 2:28:10, medan Nikolai Hanevik sykla på 2:36:28 i klasse M17-19 med sjukdom i kroppen.

Anton Hanevik kom inn på 3:10:57 i klasse M55-59 og Dag Christensen fullførde i trimklassen.

Sjå resultat på våre resultatsider.

Arrangementet var elles prega av tragedien i Oslo og på Utøya, og vart såleis avvikla utan musikk og i dempa former.

Kondis.no: Vethe med sin 8. 'Bergen-Voss'-siger

2011-07-17T22:35:00.006+02:00

Nesten 5000 fullførte Bergen-Voss

Bjarte Vethe fra Voss vant igjen.

Det var 11 mann igjen i tetgruppen som kom til Voss. Blant dem var Bjarte Vethe som tok sin 8. seier i det tradisjonsrike løpet.

Bjarte Vethe fra Voss har tangert Ove Matland sin seiersrekke på 8. ganger. Bjarte satt med feltet inn til Voss med 10 andre syklister som klarte det harde kjøret i bakkene. Her var det Ove Matland måtte si takk og farvel sammen med 50 andre fra seedet pulje nr.1. Feltet kom in på 4.15, noe som er en relativt god tid med hensyn til regn og vind i starten av løpet.

Løpet utviklet seg til et slags lureløp hvor ingen var særlig dravillig innover fjorden og når bakkene kom startet kjøret slik at ryttere falt av og ingen enighet om rekordforsøk på de gjenværende.

Seedet pulje nr. 2 tok innpå tidlig iløpet og hadde spist opp 1 minutt til Trengereid, men vissnet av innover Hardangerfjorden og fikk 4 timer og 25 minutt i mål. Beste kvinne ble Linnea' Fredång fra Åsane CK på tiden 4 timer og 25 minutt. Meget sterkt av 28 år gamle Linnea som var med for tredje gang i klassikeren.

Arrangementet var en stor suksess med glade folk overalt. BCK fikk til et godt gjennomført løp med politi og motorsykler til alle store grupper og dommerbiler som fulgte de beste seedete puljene hvor alt ble nøye kontrollert.

I målområdet sto igjen Erik Hanøy for en særdeles glimrende speakerjobb hvor alle får god og nøye informasjon ved målgang. I og rundt mål gikk det riktig og greit for seg når nesten 5000 syklister strømmer på. BCK vet hva de gjør og etterpå er det mat drikke i idrettshallen som fungerer helt topp.

Alle bilder lagt ut. Resultater for 50 beste kvinner og menn lagt ut. Resultater forøvrig, se bergenck.no
Tekst og foto: Jørgen Pettersen

Førstemann i feltet over mållinjen med Voss sin store sønn for dagen nemlig Bjarte Vethe. Tok sin 8. seier i den tradisjonsrike klassikeren og kan nå sprette Champagnen med fullklaff i Bergen-Voss nok en gang.

Lenkje til heile artikkelen på Kondis.no.

Langtur i morgon 16.7, avreise kl. 8 frå jernbanestasjonen

2011-07-15T19:08:00.000+02:00

For dei som ikkje skal delta i Kvinnheradsmeisterskapen så vert det roleg langtur laurdag 16.7. Me syklar Eksingadalen og Hamlagrø attende. Avreise kl. 8 frå Voss jernbanestasjon. Obs: lang tur, 16-17 mil, ta med nista og godt humør :)

Vidar Mehl nr. 9 i Norgescup

2011-07-09T22:42:00.003+02:00

I dag var det norgescupritt på terrengsykkel (Bukkerittet). Vidar Mehl køyrde inn til ein sterk 9. plass trass i at han køyrde feil og måtta snu! Les rapport frå Vidar her

Resultat finn du på resultatsidene våre.

NM-SØLV OG 4. PLASS!

2011-07-04T09:23:00.011+02:00

Kjempeprestasjonar av Bjarte Vethe og Asbjørn Tveit i Veteran-NM i Halden. Bjarte tok sølv i M 40 og Asbjørn tok 4. plass i M 55!

Foto: A. Tveit

Begge er no teke ut på landslaget og kvalifisert til Nordisk i Finland, som går av stabelen i slutten av juli.

Rapport frå Bjarte:

Eg kjørte ein fellesstart på 120 km, ein lang runde, småkupert, der løpet ville bli avgjort ved siste km, som var ein bratt stigning opp til Fredriksten festning. Siste bakken var så bratt at det blei små grupper som kom inn til mål. Vi var fire mann som kom inn først der eg blei nr. 2 og fekk min første medalje i eit NM. Eg tapte spurten om gullet men er kjempefornøyd med resultatet etter så mykje motgang i tida etter Bergen-Voss der eg var sjuk 12 av dei siste 14 dagane etter rittet. Det var samme sjukdom som gjorde at eg ikkje kunne stille til start i Trondheim-Oslo som planlagt. Einar Lode frå Sola vant. Han var også med å vinne Trondheim-Oslo i år.

Rapport frå Asbjørn:

Eg kjørte 83 km med samme løype inn til mål som Bjarte hadde. Eg blei nr.4, 3 sekunder bak vinneren. Eg er godt fornøyd med det resultatet. Løypa var flat med unnatak av siste bratte bakken. Løpet blei prega av dette og det 21 mann store feltet var samla inn til bakken. Her klarte ei lita gruppe på 6-7 personar å komme frå. Og desse kjempa om sigeren.

Resultat finn du på resultatsidene våre.

Hanguren opp 2011

2011-06-27T22:54:00.003+02:00

Mange spreke frå Vossevangen CK med på Hanguren opp 2011:

Vidar Mehl med og vann Lillehammer-Oslo!

2011-06-25T23:02:00.000+02:00

Vidar Mehl og resten av ryttarane som sykla for kreftsaka vann Lillehammar-Oslo i dag med ei fantastisk sterk tid: 190 km på 3:53, snittfart 48,9 km/t! Gartulerer! Les Vidar sin rapport her.

Trondheim-Oslo 24.-26. juni

2011-06-24T11:38:00.002+02:00

Vossevangen CK skulle ha to ryttarar med i Trondheim-Oslo arrangementa. Etter å ha vore sjuk 12 av dei siste 14 dagane har Bjarte bestemt seg for ikkje å sykla Trondheim-Oslo. I samtale med Ck Victoria fann ein ut at Bjarte står over på laurdag for ikkje å øydeleggja resten av sesongen. Bjarte prøver no å koma attende og ha fokus mot NM.

Vidar Mehl er frisk og rask, og etter sigeren i Hallingrittet vert det spanande å sjå om han klarar å vera med og vinna samt kanskje setja rekord med laget Team Epartner aktiv mot kreft på distansen Lillehammar-Oslo. Lukke til!

Vidar Mehl vann Hallingrittet!

2011-06-19T23:23:00.001+02:00

Vidar Mehl slo alt og alle og gjekk til topps i eit svært gjørmete Hallingritt i dag. Gratulerer! Les meir på Vidar sin blogg.
Nikoai Hanevik sykla godt og kom inn berre ti minutt bak Vidar trass i at han hadde fleire fall. Carsten Christensen låg godt an i lag med Nikolai då han var uheldig og punkterte og måtte bryta. Magnus Hanevik hadde ein kjempefall og måtte også bryta. Rune Herheim prøvde å ta det litt med ro i starten, men sprakk likevel etter 0,2 km. Etter vel halvkøyrd ritt knakk han pedalen men knota seg likevel til mål. Anton Hanevik og Bjarte Vethe vart forkjøla og fekk diverre ikkje stilt til start. Sjå vår resultatside for resultatliste.

Carsten og Nikolai kjem snart med ein utvida rapport.

Terrengsykkel på torsdagane

2011-06-17T07:31:00.001+02:00

Som me har nemnt tidlegare er treningsøkta på torsdagane no på terrengsykkel. Her er ein liten rapport frå den 16.06. Nydeleg sykkelver i dag. Seks blide syklistar tok vegen opp til Jonstølen. Carsten og Vebjørn sykla lett og ledig oppover, medan Hanevik 1 og 2 hadde dårleg tid nedatt. Odd Inge og Egil tok ei roleg økt på landevegsykkel, medan Halle og Asbjørn tok ein litt mindre roleg tur på landevegsykkelen. Me var alle samde om at det hadde vore ein kjekk tur. Me var og vitne til eit gledeleg kåmbæk i Vossevangendrakta: Bjarte Nestås Johnsen. Møt opp på kjekke skogs og stølsturar på sykkel.

Bjarte sykla sterkt i flaumområdet

2011-06-13T20:30:00.004+02:00

Mjøsa rundt var ei del av oppladninga til styrkeprøven Trondheim - Oslo. Laget til Bjarte kom på 2. plass i lagkonkurransen, noko dei er godt nøgd med. Bjarte fekk svar på at formen er nokolunde attende etter sjukdom, noko som lover bra for oppkjøringa til styrkeprøven. Individuelt kom Bjarte inn til ein finfin 6. plass i klassen 40-44 i Mjøsa rundt.
Du kan lese meir om rittet her Mjøsa Rundt.
Og resultat finn du på resultatsidene våre.

Trening sumaren 2011

2011-06-08T22:35:00.000+02:00

Hei, no har Bjarte lagt planen for sommartreningane. Sjå meir på treningssida vår.

Bergen-Voss 2011

2011-06-06T09:15:00.002+02:00

Vossevangen CK sine ryttarar sykla fort trass i at løypa var forlenga med eit par minutt og at det var tunge sykkelforhold. Bjarte Vethe satt inn med vinnarpulja på 4:15:06, og er no utan diskusjon den som har vunne Bergen-Voss flest gonger! Asbjørn Tveit fortset å visa storform og vart nr. 3 i M50-59 på 4:25:38. I klassen 17-19 år tok Vossevangen CK 2. plass med Nikolai Hanevik 4:25:38, 3. plass med Eirik Mjelde 4:30:22, 14. plass med Sondre Tysseland på 4:47:17 og 15. plass med Ola Braathen Reigstad på 4:48:17! Carsten Christensen fekk kjedevanskar etter 10 km. Han mista pulja men kom seg i mål på 4:46:37. Av dei andre Vossevangarane som sleit i regn og motvind må me nemna Bengt Arvidsson som kom inn på den sterke tida 5:35:39. Link til resultat ligg på vår resultatside.

Haugesund-Sauda 2011: Bjarte nr. 4

2011-05-30T08:43:00.003+02:00

Haugesund - Sauda er eit populært turritt på 110 km, med ca. 500 deltakarar og mange sterke ryttarar. Årets ritt fekk styrtregn heile vegen, sterk vind og berre 7-8 grader. Bjarte Vethe tok ein sterk 4. plass! Han var nøgd med løpet, særleg sidan han måtte sykla nesten heile løpet med berre to gir (ødelagt girspake). Det var ein kald og våt tur, men eit kjekt løp og ei god oppkjøring til Bergen-Voss. Resultat finn du på vår resultatside.

Skjærgårdsrittet 29.5.11

2011-05-29T21:29:00.001+02:00

Vossevangen stilte med 3 ryttarar: Asbjørn Tveit (vann klasse 50-59!), Nikolai Hanevik og Bengt Arvidsson. Her er Nikolai sin rapport frå rittet. Resultat: Sjå vår resultatside.

Stalheimskleiva opp 2011

2011-05-29T13:03:00.004+02:00

Carsten rapporterer: "Stalheimskleiva Opp vart arrangert i småfuktig vårvær lørdag 28.mai. Nytt av året var ein variant av thriatlon der ein kvar for seg fyrst kunne sykle, deretter gå på rulleski\rulleskøyter, for så å avslutte med å springe opp. Dette kalla dei "Hardhaus" og laga ein sammanlagtkonkurranse av. Frå Vossevangen Ck deltok fleire, i herreklassen var Veslebjørn Turveit den suverent sterkaste i sykkeldelen, med henholdsvis Eivind F, Carsten C og Bjørn S som nr. 2, 4 og 5 i mål. Vidare vart det hard konkurranse med både rulleski og løp, og sammanlagt vart Eivind F nr 3 og Carsten C nr. 5. Her og var Veslebjørn Turveit suveren. For Eivind og Bjørn var konkurransen i Stalheim eit ledd i oppkøyringa mot WIMP-mann, ein sjølvlaga Ironmankonkurranse på Voss i slutten av juni."

I damehardhausklassen var Hege Djukastein den sterkaste og Signe Lussand Selheim vart nr. 3. I tillegg var det fleire andre medlemmar frå Vossevangen som viste hardhaus-musklar: Eirik Finne, Eivind Blindheim og Anders Bjørk.

Resultat: Sjå vår resultatside.

Easton EC90 Aero hjulsett til sals

2011-05-25T09:12:00.001+02:00

Carbonhjulsett 2010 modell. Komplett hjulsett med dekk og kassett, samt nye lager: 7000,-. (Ny pris: 19900,-). Ring Bjarte: 99033279.

Nordhordland Rundt 2011

2011-05-22T18:24:00.008+02:00

Nordhordland Rundt 2011 gjekk under fine forhold, der dei 7-800 ryttarane til tider møtte kraftig motvind/sidevind. Ei gruppe på 10 ryttarar stakk nokså tidleg, medan Asbjørn Tveit, Eirik Mjelde og Rune Herheim sat i gruppe 2. Dei tre Vossevangarane var mellom dei sprekaste i denne gruppa og var mykje framme i rulla. Asbjørn var sterkast av Vossevangarane på slutten og kom inn på 2:15:08, medan Eirik og Rune kom inn i lag på 2:16:24. Asbjørn vart nr. 2 i sin klasse, medan Eirik vann sin klasse med 10 minutt! Rune vart nummer 3 i sin klasse. Nikolai måtte gje seg undervegs. Jarle kom inn på tide 2:27:21, og 18-åringen Sondre Tysseland debuterte på den gode tida 2:31:38!

Ein liten film av pulje 1 finn du på vår video-side.
Resultat finn du på vår resultatside.

6-vatnsrunden 2011 - The Movie

2011-05-21T14:21:00.002+02:00

Du finn fleire artige sykkelfilmar på vår video-side.

6-vatnsrunden: Bjarte i vinnargruppa, ungdomen imponerte

2011-05-16T09:19:00.003+02:00

Trass i ufyselege værforhold vart det sykla fort rundt vatna på Voss i helga. Bjarte sat i vinnargruppa på den sterke tida 2.09.26, medan Renate vann dameklassen på 2.42.25! Eirik, Nikolai og Carsten imponerte med sterk køyring og kom inn med gruppe 2 på tida 2.13.43. Odd Inge, Rung og Jarle sykla på 2.25.15. Sterkt av Jarle, medan Odd Inge har meir inne når han vert kvitt sjukdom og blåmerker. Bjørn kozte seg i felt 2 inn på tida 2.25.16. Arnstein må trena litt på feltsykling, så får han òg brukt motbakkekapasiteten sin. Halle debuterte og sykla lett inn til 2.38.13. Eystein hadde ein imponerande rittdebut og kom inn på den sterke tida 2.43.43, trass i at han sykla mykje åleine. Bengt kontrollerte rittet frå sin posisjon, medan Ola diverre måtte gje seg på grunn av astmaproblem. 15 spreke vossevangarar deltok, det var vått, vilt og vakkert. Resultatliste finn du på vår resultatside.

6-vatnsrunden, påmelding sluttar torsdag 12. mai kl. 10

2011-05-11T20:13:00.002+02:00

Hei, no må de hiva dikkan rundt de som skal delta på 6-vatnsrunden på sundag. Me planlegg eit felles opplegg for klubben der me har eit telt der me samlast før og etter rittet. Der kan de legga klede, sekker og den slags. Me satsar på å ha litt frukt òg. Link til påmelding: https://www.deltager.no/emit/6-vatnsrunden_15052011. Hugs å før opp Vossevangen CK som klubb.

Stalheimskleiva opp PÅ SYKKEL den 28. mai

2011-05-09T22:48:00.005+02:00

Motbakkeløp, no òg på terrengsykkel, i landets brattaste riksveg

2000 meter, høgdeskilnad på 280m - i snitt 14%.

Påmelding online vart opna 15. april. Les meir:http://www.vossoppturar.no/

Bjarte nr. 3 i Gullfjellet rundt

2011-05-09T22:41:00.002+02:00

Vethe-ekspressen viste at formen er i anmarsj då han parkerte alle (bortsett frå to mann eit brot) opp Fanafjellet. For dei andre fem Vossevangarane vart det både eitt og hitt.

Les meir om rittet her

Vidar gjorde unna Ringerike Grand Prix i helga

2011-05-09T20:37:00.003+02:00

Sjå bloggen for til Vidar.

Asbjørn i farta!

2011-05-06T20:00:00.002+02:00

Asbjørn viste i Os Rundt i helga at formen er særs god. Han vann klassen sin klart, og var berre minuttet bak vinnarane.

Asbjørn stadfestar storform. Han viste i helga at tempotesten på torsdag, der han slo Rune med 27 sekund, ikkje var eit blaff. Asbjørn si tid var 1:04:14, medan dei tre vinnarane vann på 1:03:00.

Her er resultat

Ny heimeside

2011-05-06T19:33:00.000+02:00

Gode sykkelinteresserte lesar. Me har fått på plass ny heimeside for Vossevangen CK. Denne håpar me blir funksjonell og god. Me er komen på plass med grunnleggande info. Men me kjem til å fylle ut meir, og sjølvsagt kjem me til å oppdatere sida utover sesongen. Send ein mail til Martin, Rune eller Odd Inge om du har noko du vil skal komme med. Elles snakkar sida med Facebook, og den har og kommentarfelt om du ynskjer å kommentere det som står her.
Elles er sidene video og bilete under arbeid. Noko er komen med, meir kjem snart.

Martin

Tempotest 28.4 på Sætre

2011-04-29T21:46:00.000+02:00

Vossevangen CK hadde tempotest i går, 10 km, på Sætre. Mange gode tider trass i at dei tre beste frå fjorårets test ikkje kunne stilla.

Det vart mange gode tider, med snittfart tett oppunder 40 km/t. Sterkt ritt av Nikolai, og Asbjørn sette vel òg ny pers. Ola var dagens yngste til start, medan Halle sykla for fyrste gong på tid. Veldig bra!

Når me veit at dei tre beste frå denne testen i fjor; Bjarte, Nils og Egil, berre kunne sjå på i år pga sjukdom, samt at mange sterke ryttarar frå ungdomsgruppe ikkje kunne stilla pga av Skarverennet, så ser det ut til å bli ein sterk sesong for Vossevangen CK!

Takk til Dag og Anton for tidtaking, samt til Bjarte, Nils og Egil for oppmuntring når syro pipla ut øyrene våre.

Resultat finn de her

Klubbkveld 27. april kl. 20, i Idrottshuset

2011-04-26T20:13:00.000+02:00

Jason vil halda eit interessant innlegg om trening, kosthald og immunforsvar i konkurransesesong. Bjarte vil seia litt om trening og førebuing til ritt. Det vert servering og kanskje ein sykkelfilm eller to :) . Møt opp!

Grasrotandelen, Vossevangen CK

2011-04-25T22:38:00.007+02:00

Tippar du? Me i Vossevangen vert svært takksame viss du gjer oss grasrotandelen. Les meir for å sjå kor lett det let seg gjera:
Grasrotandelen

Vossalangrenn på sykkel

2011-04-25T22:29:00.002+02:00

Onsdag 13. april, kl 18 i Idrottshuset, skal Vossalangrenn og Vossevangen Cykleklubb snakka litt om sykkel, justera syklar og sitjestilling samt avslutta med ein treningstur.

Fellestrening

2011-04-25T20:08:00.002+02:00

På sida trening vil oppdatert info halda til

Asbjørn vann i Rådalen Rundt

2011-04-13T21:39:00.000+02:00

Asbjørn var framme i teten heile løpet i rundbaneløypa i Rådalen, Fana. Rittet, 6 rundar på 8 kilometer, vart avvikla under framifrå forhold. Farten var høg, og vinnartida i år var 15 minutt raskare enn i fjor. Rune var òg med.

Film frå rittet finn du her

Resultat finn du her

Bergen - Voss 2010

2010-06-06T22:02:00.000+02:00

Sjå her for tekst og moro